Juanita Ibaibarriaga Literatur Saria
Juanita Ibaibarriaga Literatur Saria | |
---|---|
Mota | literatura sari |
Honen izena darama | Juanita Ibaibarriaga |
Indarraldi | 1992 - |
Juanita Ibaibarriaga Literatura Saria 1992 urtean hasita Ermuan ospatzen den idatz-lehiaketa bat da.
Xedea
[aldatu | aldatu iturburu kodea]Ume eta nerabeen artean komunikazio idatzia euskaraz egiteko gaitasuna areagotzea da sari honen helburua. Euskal Birusa Elkarte Kulturalak abiatu zuen 1992an[1][2] eta Juanita Ibaibarriagaren izena jarrita, urte horretan zendutako herritar euskaltzalearen lana goraipatu nahi izan zuten.[3] 2011tik aurrera, Ermuko Udaleko Euskara sailaren esku egon da bere antolaketaren ardura.[4]
Modalitateak
[aldatu | aldatu iturburu kodea]Lehiaketan herriko ikastetxe guztiek hartzen dute parte eta bi modalitatetan aurkezteko aukera dute:
- Lehen Hezkuntzako 3. mailatik 6. mailara bitarteko ikasleena
- DBHko 1. mailatik 4. mailara bitarteko 16 urtetik gorako ikasleena
Kurtso bakoitzeko lan bakarra saritzen da eta 2013an hasita, Euskararen Nazioarteko Egunaren galaren barruan banatzen dira sariok.[5]
Lehen edizioko narrazio eta ipuin sarituak batzen zituen liburuxka argitaratu zen eta hurrengo urte batzutan Drogetenitturri herri aldizkariaren orriak erabili ziren irabazle suertatukoen lanak ezagutarazteko.
Erreferentziak
[aldatu | aldatu iturburu kodea]- ↑ «Zer egiten dugu - Euskal Birusa» EUSKALBIRUSA.EUS (Noiz kontsultatua: 2021-06-25).
- ↑ Elkartea, Euskal Birusa. (2010-11-26). «Juanita Ibaibarriaga Literatur Sariak banatu dira - Euskal Birusa» EUSKALBIRUSA.EUS (Noiz kontsultatua: 2021-06-25).
- ↑ (Gaztelaniaz) Deia. «Ermua evoca con cuentos a Juanita Ibaibarriaga» www.deia.eus (Noiz kontsultatua: 2021-06-25).
- ↑ «Euskara - Lehiaketak - Juanita Ibaibarriaga Literatur saria» www.ermua.es (Noiz kontsultatua: 2021-06-25).
- ↑ (Gaztelaniaz) «Fallan el concurso literario en euskera 'Juanita Ibaibarriaga'» El Diario Vasco 2019-12-05 (Noiz kontsultatua: 2021-06-25).